عبدالله با رییس جمهوری تاجیکستان دیدار کرد

عبدالله عبدالله؛ رییس اجرایی حکومت با امام‌علی رحمان؛ رییس جمهوری تاجیکستان، درباره تهدید‌های امنیتی و روند صلح افغانستان گفتگو کرد.

رییس اجرایی در توییترش نوشته‌است که این ملاقات در شهر دوشنبه؛ پایتخت تاجیکستان انجام شده‌است.

آقای عبدالله در این دیدار، آمادگی افغانستان برای افزایش همکاری در راستای مبارزه با تهدیدهای مشترک را ابراز داشته‌است.

تاجیکستان نگران افزایش تهدیدات امنیتی در شمال افغانستان است.

افق را در تلگرام دنبال کنید

رییس‌ جمهوری تاجیکستان گفته‌است که دوشنبه خواهان تامین صلح در افغانستان است و صلح و ثبات در این کشور به نفع کشورهای منطقه است.

قرار است امروز (شنبه، ۲۵ جوزا) کنفرانس تعامل و اعتمادسازی در آسیا «سیکا» در شهر دوشنبه آغاز شود و در این کنفرانس‌ سران و نمایند‌گان برخی کشورها شرکت می‌کنند.

رییس اجراییی همچنین در حاشیه این کنفرانس‌ با رهبران شماری از کشورهای آسیایی ملاقات می‌کند.

سازمان تعامل و اعتمادسازی در آسیا «سیکا» ۲۰ عضو دارد و یکی از موضوعات اساسی بحث این کنفرانس، وضعیت افغانستان است.