کرونا فوتبال تاجیکستان را تعطیل نکرده‌است

در حالی که مسابقات ورزشی در سراسر جهان به دلیل همه‌گیری ویروس کرونا تعلیق شده؛ اما تاجیکستان از این موضوع مستثنی است و قرار است فردا لیگ فوتبال این کشور آغاز شود. هنوز هیچ مورد مثبت ابتلا به کرونا در تاجیکستان گزارش نشده‌است.

براساس گزارش‌ها، لیگ فوتبال تاجیکستان که ۱۰ تیم دارد، فردا (یک‌شنبه، ۵ اپریل) با سه بازی بدون حضور تماشاچیان آغاز خواهد شد.

این در حالی ‌است که از تاجیکستان به دلیل برگزاری مراسم بزرگ، کنسرت‌ها و برنامه‌های ورزشی بهخاطر جشن نوروز به شدت انتقاد شده‌بود.

اما وزارت صحت تاجیکستان تأکید کرده که هیچ مورد مثبت ویروس کرونا در این کشور وجود ندارد.

گفته شده که بیش از ۶۲۰۰ نفر که بین اول فبروری تا دوم اپریل پس از سفر به کشور‌های دیگر وارد تاجیکستان شدند، قرنطینۀ اجباری دو هفته‌ای را سپری کرده‌اند.

مطالب مرتبط