رییس مجلس نمایندگان با رییس جمهوری تاجیکستان دیدار کرد

میررحمان رحمانی؛ رییس‌ مجلس نمایندگان در سفرش به تاجیکستان با امام‌علی رحمان؛ رییس جمهوری این کشور دیدار کرد.این دیدار امروز (دوشنبه، ۱۱ حوت) در دوشنبه، پایتخت تاجیکستان صورت گرفته است.

جزییات دیدار رحمانی با امام علی رحمان تاکنون منتشر نشده، اما گفته می‌شود، گفتگو در مورد صلح افغانستان یکی از محورهای دیدار دوطرف بوده است.

رییس‌جمهوری تاجیکستان در گفتگو با رحمانی، از گُسترش جنگ در امتداد مرز این کشور با افغانستان، ابراز نگرانی کرده است.

رحمانی در دوشنبه با سراج‌الدین مهرالدین؛ وزیر امور خارجه تاجیکستان نیز دیدار و گفتگو کرده است.

آقای رحمانی در این دیدار گفته که طالبان تاکنون هیچ طرح و برنامه‌ای برای صلح ارایه نکرده‌اند و هدف این گروه به دست آوردن قدرت در افغانستان است.

رییس مجلس نمایندگان هشدار داده که خروج غیرمسئولانه نیروهای خارجی میزان خشونت‌ها و دامنه جنگ در کشور را گسترش می‌دهد.

مطالب مرتبط