تاجیکستان خواهان تامین صلح در افغانستان شد
امامعلی رحمان؛ رییس جمهور تاجیکستان خواهان تامین صلح و امنیت در افغانستان شده و می‌گوید که تامین صلح در افغانستان به نفع سازمان همکاری شانگهای است.
امامعلی رحمان؛ رییس جمهور تاجیکستان امروز پنج‌شنبه، ۱۴ سرطان اعلام کرد که برقراری صلح و ثبات در افغانستان به نفع همه کشورهای عضو سازمان همکاری شانگهای است.
آقای رحمان در نشست سران سازمان همکاری شانگهای در آستانه گفت از ادامه تلاش‌ها برای کمک به مردم افغانستان حمایت می‌کند.
او در این نشست با نگرانی از امنیت منطقه، بر لزوم ادامه کار مشترک کشورهای عضو سازمان همکاری شانگهای برای مبارزه با تروریزم و افراط گرایی، جرایم سازمان‌یافته فرامرزی از جمله قاچاق مواد مخدر تاکید کرد.
امامعلی رحمان تاکید کرد که در استقرار صلح، ثبات و امنیت در افغانستان منافع مشترک کشورهای عضو سازمان همکاری شانگهای نهفته است.
