کارزار جدید واکسین پولیو در شماری از ولایت‌ها آغاز می‌شود
نهاد افغانستان عاری از پولیو اعلام کرده که کارزار جدید تطبیق واکسین پولیو در شماری از ولایت‌ها آغاز می‌شود.
نهادی موسوم به «افغانستان عاری از پولیو» امروز شنبه، ۱۶ سرطان اعلام کرد که قرار است کارزار تطبیق واکسین پولیو (روز دوشنبه هفته جاری) در شماری از ولایت‌های کشور آغاز شود.
این نهاد در ایکس گفته که کارزار تطبیق واکسین پولیو روز دوشنبه در شماری از ولایت‌های افغانستان آغاز می‌شود.
نهاد «افغانستان عاری از پولیو» مشخص نکرده که چی تعداد کودک در این کارزار واکسین خواهند شد و در چند ولایت کشور برگزار می‌شود.
این نهاد حدود سه ماه پیش نیز کارزار تطبیق واکسین پولیو را در ۲۱ ولایت کشور راه‌اندازی کرده بود.
این در حالی است موارد مثبت بیماری پولیو در سال جاری در ولایت‌های نورستان، کنر، هرات، قندهار و غزنی ثبت شده است.
در همین حال، بیماری فلج کودکان هنوز در افغانستان و پاکستان به‌طور کامل از بین نرفته است.
