نیکلاسون با وزیر خارجه تاجیکستان درباره افغانستان گفتگو کرد
وزارت خارجه تاجیکستان از دیدار و گفتگوی توماس نیکلاسون؛ نماینده ویژه اتحادیه اروپا با وزیر خارجه این کشور درباره وضعیت افغانستان خبر داده است.
وزارت خارجه تاجیکستان اعلام کرده است که توماس نیکلاسون؛ نماینده ویژه اتحادیه اروپا در امور افغانستان با سراجالدین مهرالدین؛ وزیر خارجه تاجیکستان دیدار و گفتگو کرده است.
وزارت خارجه تاجیکستان در خبرنامهای گفته است که دو طرف گفتگوی سازندهای در مورد مسائل مربوط به وضعیت افغانستان و همچنین همکاری برای مقابله با چالشها و تهدیدها داشتهاند.
به نقل خبرنامه تاجیکستان، هر دو طرف همچنین در مورد وضعیت کنونی و چشمانداز توسعه روابط جمهوری تاجیکستان و اتحادیه اروپا در زمینههای مختلف تبادل نظر کردند.
تاجیکستان تنها کشور در آسیای مرکزی است که با طالبان رابطه نزدیک برقرار نکرده است.
این کشور بارها دربارهی فعالیت گروههای تروریستی در شمال افغانستان و تجارت مواد مخدر ابراز نگرانی کرده است.