دوازده‌همین کنفرانس امنیتی هرات در اسپانیا آغاز شد
دوازدهمین کنفرانس امنیتی هرات قرار است امروز (دوشنبه، ۶ حوت) در شهر مادرید اسپانیا آغاز به کار کرد.
انستیتوت مطالعات استراتژیک افغانستان، امروز دوشنبه، ۶ حوت اعلام کرده است که دوازدهمین نشست امنیتی هرات در شهر مادرید اسپانیا آغاز شده است.
در این نشست چهره‌های سیاسی، مقام‌های پیشین دولت افغانستان، نماینده‌های سازمان‌ها و کشورها اشتراک کرده‌اند.
بر بنیاد خبرنامه انستیتوت مطالعات استراتژیک افغانستان، در این نشست درباره نمایندگی افغانستان در سیاست‌های جهانی، تروریزم و چگونگی کارکرد دیپلماسی برای آینده کشور بحث خواهد شد.
این در حالی است که نشست پیشین امنیتی هرات که یازدهمین دور آن بود، در دوشنبه، پایتخت تاجیکستان برگزار شد.
در نشست قبلی روی «انحصار قدرت توسط طالبان» در افغانستان و پیامدهای آن روی آینده کشور بحث شد.
در نشست پیشین ۱۵۰ شرکت‌کننده از ۲۰ کشور، سازمان‌های بین‌المللی، نمایندگان گروه‌های سیاسی و مقام‌های حکومتی پیشین افغانستان اشتراک داشتند.
