توزیع بسته‌های کمکی سازمان جهانی صحت برای سیل‌زدگان غور

سازمان جهانی صحت می‌گوید که برای رسیدگی به بحران سیل در ولایت غور ۲۵ تُن بسته‌ ضروری شامل بسته‌های پزشکی، خیمه و چراغ‌های خورشیدی به قربانیان این سیلاب کمک کرده است.

جمشید تنولی؛ نماینده سازمان جهانی صحت در افغانستان گفته است که باوجود چالش‌های دسترسی، کمک‌های فوری به همکاری سازمان‌های همکار به سیل‌زدگان تحویل داده شده است.

سیلاب‌های اخیر در ولایت غور حد اقل 70 کشته و ده‌ها زخمی برجا گذاشته و نیز خانه‌های ساکنین این ولایت در نتیجه سیلاب تخریب شده است.

پیشتر دیگر سازمان‌های امدادرسان نیز از ارسال کمک‌های بشری به این ولایت خبر داده بودند.