آغاز کارزار واکسین پولیو در چند ولایت

طالبان از آغاز کارزار تطبیق واکسین پولیو در چند ولایت کشور خبر داده‌اند.

کارزار تطبیق واکسین پولیو، امروز دوشنبه، ۶ سنبله در ولایت‌های بلخ، جوزجان، سمنگان، سرپل و فاریاب آغاز شده است.

این کارزار هفته‌ گذشته در شماری از ولایت‌های دیگر نیز آغاز شده بود.

در حال حاضر افغانستان و پاکستان تنها کشورهای جهان اند که بیماری فلج کودکان در آن‌ها ریشه‌کن نشده است.

در سال جاری میلادی در سراسر کشور پنج واقعه‌ مثبت بیماری فلج کودکان ثبت شده که همه‌ آن‌ها در ولایت ننگرهار است.