سرمایه‌گذاری ۵۵۰ میلیون دالری کشورهای عربی بر پروژه برق آبی تاجیکستان
تاجیکستان اعلام کرده است که کشورهای عربی ۵۵۰ میلیون دالر سرمایه جدید به پروژه نیروگاه برق آبی راغون این کشور اختصاص داده‌اند.
بربنیاد گزارش‌ها، مقامات تاجیکستان اعلام کردند که برای پروژه بزرگ نیروگاه برق آبی راغون خود، ۵۵۰ میلیون دالر کمک مالی از بانک توسعه اسلامی و مؤسسات چند کشور عربی دریافت کرده است.
دولت تاجیکستان همچنین اعلام کرد که در سال جاری به ۶.۲ میلیارد دالر سرمایه برای تکمیل راغون نیاز دارد که بلندترین سد جهان را در خود جای دهد و امنیت انرژی کشور را تضمین کند.
این در حالی است که دسامبر سال گذشته نیز رییس صندوق توسعه عربستان سعودی از اهدای ۱۰۰ میلیون دالر قرض به تاجیکستان برای پروژه نیروگاه راغون خبر داده بود.
