تاجیکستان ۲۵۰۰ تن آرد به ساکنان مرزی بدخشان کمک میکند
دولت تاجیکستان اعلام کرد که تصمیم دارد به ساکنان مرزی ولایت بدخشان افغانستان، کمکهای غذایی از جمله آرد ارسال کند.
مقامهای تاجیکستان این سخنان را روز جمعه، ۵ قوس در مراسم آغاز کمکهای غذایی برنامه جهانی غذا به افغانستان در دوشنبه، پایتخت این کشور بیان کردهاند.
وزارت امور خارجه تاجیکستان گفتهاست که در قالب کمکهای بشردوستانه به افغانستان، ۲۵۰۰ تن آرد را از طرق پایگاههای مرزی تاجیکستان و افغانستان به ولایت بدخشان میفرستد.
این وزارت افزوده که ین کمکها به مردمی که در ساحات کوهستانی و دورافتاده که در زمستان سخت پیشرو به مواد غذایی دسترسی ندارند، توزیع میشود.
مقامهای تاجیکستان همچنین گفتهاند که این کشور، قلمرو خود را برای نقل و انتقال کمکهای بشردوستانه به افغانستان باز نگه میدارد.
با رسیدن زمستان بسیاری از سازمانها و کشورهای جهان درباره خطر وقوع فاجعه بشری در افغانستان هشدار داده و خواستار کمک به میلیونها افغان در معرض تهدید گرسنگی شدهاند.